Maar een ding waarvoor ek nogal bang is, is hekel-patrone met foute......! En dan nogal baie foute!
Dit is SO 'n groot werk wat ek aangepak het, en van die blokke is nogal ingewikkeld! Nou kan jy dink as daar nog foute in die patroon ook is! As een rytjie 'aangepas' moet word, beinvloed dit natuurlik ook die volgende ry asook die res van die patroon...............want daar is dan te veel steke.
Hierdie vrou het vergeet om te kompenseer vir die hoekies (gewoonlik ch 3), en dis gelukkig nogal logies (alhoewel nie vir beginners nie...) maar daar is allerhande ander foute ook in. Word patrone dan nie getoets voordat dit in sulke duur boeke geubliseer word nie?
Die plan was om hierdie kombers voor die winter klaar te maak, maar tussen die weervoorspellings (baie koud in April al!) en die foutiewe patrone, kan dit dalk bietjie langer vat. Gelukkig is ek nie bang nie (wel, nog nie....), en ek sal dit deursien, want ek wou my lewe lank al so 'n kombers gehad het.
Nou is dit net noord kyk en voortploeter tot dit klaar is. Hopelik voor 2012 se winter!
EN hierdie foute is nie die enigste UITDAGING wat ek het nie.........
So vreeslik begeesterd deur al die verskillende, wonderlike kleure daardie dag in die wolwinkel - en ek het net bolle gegryp. Ek kon behoorlik nie eers wag tot ek by die huis was, om my hande in al daardie KLEUR te kry nie .............en toe ........ o wee .........
Al die wol is 'double knit', maar dit is nie almal ewe dik nie. Party lyk meer soos chunky en ander weer soos 4-draad, en glo my, dis nie so maklik om verskillende diktes wol in een blok te gebruik nie.
So, vanaand drink ek 'n glasie rooiwyn saam met aandete vir good luck op hierdie projek ..........
want, waar daar 'n wil is, is daar mos 'n weg!
ek sukkel self met die verskillende diktes wol. Ek het nou al geleer om dieselfde tipe vir een projek te kies. Die ander opsie wat ek ook so deur gesukkel geleer het, is om bv een tipe (dikte) wol vir die eerste (sê maar) 3 rye te gebruik, dan die ander tipe (dikte) vir die ander rondtes. Maar dan moet jy hou by daai 'resep'. en dit werk net as jy dieselfde tipes blokke regdeur hekel. maak dit sin?
ReplyDeleteDie probleem is, daar is so baie verskillende blokke, en verskillende groottes. Dis regtig 'n lap en plak kombers. Nou gebruik ek maar die al die wolle soos dit kom. Dit lyk nie te sleg nie. Die grootste probleem is die foute in die patrone.
DeleteAs ek weer wol koop, sal ek kyk dat almal dieselfde dikte is. Maar soms het mens tog afval wol van ander goed. Dan moet mens maar 'improvise'..... dit hou dit interessant.